დამატებითი პირობები - ანგარიშის შეწყვეტა

 

 

1. შესავალი

1.1 ეს დამატებითი პირობები (“დამატებითი პირობები”) ავსებს Bybit Georgia Fintech Limited-ის მიერ მოწოდებულ პლატფორმის მომსახურების პირობებს (”კომპანია", "ჩვენ", ან ”ჩვენი”), რომელიც შეიძლება იპოვოთ შემდეგ ლინკზე გადასვლით https://www.bybit.com/app/terms-service/information ( "მომსახურების პირობები”).

 

1.2. თუ თქვენ განაცხადს შეავსებთ ანგარიშის რეგისტრაციაზე ჩვენი საიტის მეშვეობით, თქვენ ეთანხმებით, რომ სამართლებრივად იქნებით ვალდებული დაიცვათ ეს დამატებითი პირობები ჩვენს მომსახურების პირობებთან ერთად. (ერთობლივად, "პირობები”).

 

1.3. ამ დამატებით პირობებსა და ჩვენს მომსახურების პირობებს შორის რაიმე შეუსაბამობის შემთხვევაში, ეს დამატებითი პირობები უპირატესია.

 

1.4. გარდა ქვემოთ განსაზღვრულისა, ყველა ტერმინსა და მითითებას, რომელიც გამოიყენება ამ დამატებით პირობებში, ექნება ჩვენი მომსახურების პირობებში მოცემული მნიშვნელობა.

 

 

2. ანგარიშის შეწყვეტა

2.1. თქვენ აღიარებთ და ეთანხმებით, რომ ჩვენ გვაქვს უფლება დავხუროთ თქვენი ანგარიში ჩვენი შეხედულებისამებრ, მათ შორის, მაგრამ არ შემოიფარგლება შემდეგი მიზეზებით: 

1. როდესაც ჩვენ, ჩვენი გონივრული მოსაზრებით, ვალდებულნი ვართ ეს გავაკეთოთ ნებისმიერი არსებული ან შემდგომში დაწესებული სამართლებრივი და მარეგულირებელი მოთხოვნების დასაკმაყოფილებლად.;

2. სადაც საფუძვლიანად გვაქვს ეჭვი, რომ თქვენ მოქმედებთ პირობების რომელიმე დებულების დარღვევით;

3. სადაც თქვენი ანგარიში უმოქმედო ან მიძინებული იყო დიდი ხნის განმავლობაში;

4. ნებისმიერი მიზეზი, რომელიც მითითებულია ნაწილი 23 მომსახურების პირობებში; ან

5. ნებისმიერი სხვა გარემოება, რომლითაც თქვენ არღვევთ პირობებს.

 

2.2. თქვენ ასევე გესმით, აღიარებთ და ეთანხმებით, რომ: 

1. ჩამოთვლილი გარემოებების ჩამონათვალი ნაწილი 2.1-ის ზემოთ, როდესაც ჩვენ შეგვიძლია თქვენი ანგარიშის შეწყვეტა არის არასრული სია;

2. ჩვენი გადაწყვეტილება, თქვენი ანგარიშის შეწყვეტაზე რაიმე მიზეზით, ჩვენი შეხედულებისამებრ, შეიძლება ეფუძნებოდეს კონფიდენციალურ კრიტერიუმებს, რომლებიც აუცილებელია ჩვენი რისკის მართვისა და უსაფრთხოების პროტოკოლებისთვის, და რომ ჩვენ არ ვართ ვალდებული გაგიმჟღავნოთ ჩვენი რისკის მართვისა და უსაფრთხოების პროცედურების დეტალები; და

3. ჩვენ გვაქვს უფლება განვახორციელოთ ნებისმიერი და ყველა საჭირო და შესაბამისი ქმედება ამ პირობების შესაბამისად, მათ შორის, მაგრამ არ შემოიფარგლება გონივრული ხარჯების აღდგენით და ნებისმიერი მოქმედი კანონებისა და რეგულაციების დაცვით.

 

2.3. თქვენი ანგარიშის შეწყვეტის შემთხვევაში:

1. თქვენს ანგარიშთან დაკავშირებული ნებისმიერი გახსნილი ვაჭრობა, პოზიცია, ინსტრუქცია ან ტრანზაქცია შეიძლება დაიხუროს თქვენ მიერ ან ჩვენს მიერ, შეწყვეტის გარემოებიდან გამომდინარე;

2. სადაც ეს შესაძლებელია და იმდენად, რამდენადაც ჩვენთვის უკანონო არ არის ამის გაკეთება, ჩვენ შეიძლება მოგაწოდოთ შეტყობინება თქვენი ანგარიშის შეწყვეტის შესახებ და თქვენ შეგიძლიათ გაიტანოთ ციფრული აქტივები და/ან ფიატის ვალუტები (ჩვენს წინაშე არსებული დავალიანების გადახდის შემდეგ, ნებისმიერი ტრანზაქციის საკომისიოს და/ან შეწყვეტის საკომისიოს ჩათვლით (როგორც ეს განსაზღვრულია ქვემოთ ნაწილი 3.1-ში)) თქვენი ანგარიშიდან იმ ვადაში, რომელის ჩვენ მიერ არის განსაზღვრული თქვენთვის, თქვენი ანგარიშის შეწყვეტამდე; და

3. თუ თქვენ ვერ ახერხებთ თქვენი ციფრული აქტივების და/ან ფიატის ვალუტების გატანას, ან თუ არ შედიხართ თქვენს ანგარიშზე მითითებულ პერიოდში, თქვენ აცნობიერებთ და ეთანხმებით, რომ ჩვენ გვაქვს უფლება და უფლებას გვაძლევთ გამოვქვითოთ ანგარიშის შეწყვეტის საკომისიო თქვენი ანგარიშიდან, ან ჩამოვჭრათ დარჩენილი ნაშთი თქვენს ანგარიშზე (თუ თქვენი ანგარიშის ბალანსი ნაკლებია ანგარიშის შეწყვეტის საკომისიოზე), და განვახორციელოთ თქვენი ანგარიშის შეწყვეტა.

 

 

3. საკომისიო, რომელიც ვრცელდება ანგარიშის შეწყვეტაზე

3.1. ჩვენ გამოვქვითავთ ანგარიშის შეწყვეტის საკომისიოს 10 აშშ დოლარის ოდენობით (“ანგარიშის შეწყვეტის საკომისიო”) ანგარიშის შეწყვეტისთვის. თუ თქვენს ანგარიშში არსებული ბალანსი არასაკმარისია შეწყვეტის საკომისიოს გადასახდელად (ანუ ციფრული აქტივების და/ან ფიატის ვალუტების ღირებულება თქვენს ანგარიშზე 10 აშშ დოლარზე ნაკლებია), თქვენს ანგარიშზე დარჩენილი მთლიანი ნაშთი გამოიქვითება თქვენი ანგარიშის შეწყვეტისას.

 

3.2. თქვენ აღიარებთ და ეთანხმებით, რომ:

1. ჩვენ შეიძლება ჩამოგაჭრათ ადმინისტრაციული გადასახადი შეწყვეტის საკომისიო, დაკავშირებული თქვენი ანგარიშის შეწყვეტასთან, და რომ შეწყვეტის საკომისიო არის თქვენ მიერ გადასახდელი საკომისიო, თქვენ მიერ ჩვენთან არსებული ნებისმიერი დავალიანების დამატებით;

2. თქვენი ანგარიშის შეწყვეტის შემდეგ, თქვენ გვაძლევთ უფლებას:

   1. შეწყვეტის საკომისიოს (მაგ. 10 აშშ დოლარი ან ციფრული აქტივების და/ან ფიატის ვალუტების ექვივალენტური ოდენობის) გამოქვეთას პირდაპირ თქვენ ანგარიშზე არსებული ნებისმიერი აქტივიდან წინასწარი შეტყობინების ან დამტკიცების გარეშე; და

   2. (ასეთის არსებობის შემთხვევაში) გამოვქვითოთ მთელი დარჩენილი ბალანსი თქვენს ანგარიშში, როდესაც თქვენს ანგარიშში არსებული ბალანსი არასაკმარისია შეწყვეტის საკომისიოს გადასახდელად (ანუ ციფრული აქტივების და/ან ფიატის ვალუტების ღირებულება თქვენს ანგარიშში 10 აშშ დოლარზე ნაკლებია).

 

3.3 ჩვენ შეიძლება დავარეგულიროთ შეწყვეტის საკომისიო ან, დროდადრო, დავაწესოთ ნებისმიერი სხვა მოქმედი საკომისიო თქვენი ანგარიშის შეწყვეტასთან დაკავშირებით ჩვენი მომსახურების პირობების ნაწილი 2.1-ის შესაბამისად.

 

 

4. მონაცემთა შენახვა

4.1. თქვენ აღიარებთ და ეთანხმებით, რომ თქვენი ანგარიშის შეწყვეტის შემდეგ, თქვენი პერსონალური მონაცემები შეიძლება სამუდამოდ არ წაიშალოს და ჩვენ ვიტოვებთ უფლებას შევინარჩუნოთ თქვენი პერსონალური მონაცემები, სადაც ასეთი შენახვა შეიძლება საჭირო იყოს სამართლებრივი, მარეგულირებელი მოთხოვნების შესაბამისად, ბუღალტრული ან საქმიანი მიზნებისთვის.

 

 

5. პასუხისმგებლობა

5.1. თქვენ აღიარებთ და ეთანხმებით, რომ:

1. ჩვენ არ ვიქნებით პასუხისმგებელი რაიმე ზარალზე, რომელიც შეიძლება განიცადოთ თქვენი ანგარიშის შეწყვეტის შედეგად, და რომ თქვენ არ დაგვაკისრებთ პასუხისმგებლობას ნებისმიერი ზარალისთვის, რომელიც წარმოიქმნება თქვენი ანგარიშის შეწყვეტასთან დაკავშირებით განხორციელებული ქმედებების შედეგად, მათ შორის, მაგრამ არ შემოიფარგლება ზემოთ აღწერილ სექციებში 2 და 3;

2. როდესაც ჩვენ დავაკონვერტირებთ თქვენს ანგარიშში არსებულ ციფრულ აქტივებს და/ან ფიატის ვალუტას სხვა ტიპის ციფრულ აქტივაში და/ან ფიატის ვალუტაში შეწყვეტის საკომისიოს ან ნებისმიერი სხვა მოქმედი საკომისიოს დაფარვისთვის თქვენი ანგარიშის შეწყვეტასთან დაკავშირებით, ჩვენ არ ვიქნებით პასუხისმგებელი რაიმე მოგების დაკარგვაზე, საგადასახადო ვალდებულებებზე ან სხვა დანაკარგზე, ზიანზე თუ ხარჯზე, რომელიც თქვენ შესაძლოა განიცადოთ ასეთი კონვერტაციის შედეგად; და

3. თქვენი ანგარიშის შეწყვეტა არ იმოქმედებს თქვენს, როგორც მომხმარებლის, არცერთ უფლებასა და ვალდებულებაზე, რომელიც წარმოიშვა შეწყვეტამდე. თქვენ რჩებით პასუხისმგებელი მომსახურების გამოყენების პერიოდში დაშვებულ შესაძლო დარღვევებზე ან ზიანზე, რომელიც შეიძლება გამოიწვიოთ ან უკავშირდებოდეს თქვენს ქცევას.