აქ წარმოდგენილია დეტალური სახელმძღვანელო, რომელიც დაგეხმარებათ წარმატებით წარადგინოთ ონჩეინ გატანის მოთხოვნა. შიდა გადარიცხვით გატანისთვის შეგიძლიათ გაეცნოთ მოცემულ გვერდს.
შენიშვნაs:
— ონჩეინ (ქსელის მეშვეობით) გატანის მოთხოვნის გაგზავნისთვის საჭიროა ელ. ფოსტა და Google აუტენტიფიკაციის დაყენება.
— Bybit Georgia მხოლოდ იმ მონეტების გატანას უჭერს მხარს, რომლებიც ჩამოთვლილია ფინანსირების აქტივების გვერდზე, აქტიური გატანის ღილაკით.
— Bybit Georgia მხარს უჭერს მომენტალურ გატანას. დადასტურების დრო დამოკიდებულია ბლოკჩეინზე და მასზე მიმდინარე ქსელურ ნაკადზე. დამატებითი ინფორმაციისთვის, გთხოვთ, გაეცნოთ FAQ - კრიპტო გატანა.
— იმ მონეტების გასატანად, რომლებისთვისაც საჭიროა ტეგი/მემო (მაგ. XRP/EOS/XYM/XLM/XEM), გთხოვთ, არ დაგავიწყდეთ, საჭირო ტეგისა ან EOS მემოს შეყვანა გადარიცხვისთვის. ამის არგაკეთება გამოიწვევს არასაჭირო შეფერხებებს თქვენი გატანის დამუშავებაში.
ნაბიჯი 1: მთავარ გვერდზე დააჭირეთ აქტივებს ზედა მარჯვენა კუთხეში და გადადით გატანის გვერდზე.
ალტერნატიულად, გადადით საფინანსო ანგარიშზე და დააჭირეთ გატანის ღილაკს იმ მონეტის სვეტში, რომლის გატანა გსურთ.
შენიშვნა: გატანის განხორციელება შესაძლებელია მხოლოდ საფინანსო ანგარიშის მეშვეობით. თუ სხვა ანგარიშებზე გაქვთ თანხები, რომლის გატანა გსურთ, გატანის მოთხოვნის დამუშავებისთვის, გთხოვთ, ჯერ გადარიცხოთ აქტივები საფინანსო ანგარიშზე.
გთხოვთ, მიმართოთ ამ სტატიას რომ გაიგოთ მეტი იმაზე, თუ როგორ უნდა გადაიტანოთ თანხები ანგარიშებს შორის.
ნაბიჯი 2: აირჩიეთ მონეტა გატანისთვის და ასევე მიუთითეთ იმ საფულის მისამართი, რომელზეც გსურთ გატანა. თქვენ შეგიძლიათ ან:
- შეიყვანეთ საფულის მისამართი პირდაპირ საფულის მისამართის ველში, ან
- აირჩიეთ თქვენთვის საჭირო საფულის მისამართი თქვენ მიერ რეგისტრირებულ საფულის მისამართებს შორის, ან
- დაამატეთ გატანისთვის ახალი საფულის მისამართი თქვენს Bybit Georgia-ს გატანის მისამართების წიგნში.
თუ ჯერ არ დაგიმატებიათ გატანის მისამართი და გსურთ ამის გაკეთება, გთხოვთ, დააჭიროთ დამატების ღილაკს თქვენი გატანის მისამართის შექმნისთვის. დამატებითი დეტალებისთვის, გთხოვთ, გაეცნოთ როგორ დავამატოთ საფულის მისამართი გატანისთვის.
ნაბიჯი 3: აირჩიეთ თქვენთვის სასურველი ქსელის ტიპი. გამოგიჩნდებათ გატანის საკომისიოს თანხა თითოეული ბლოკჩეინის შესაბამისი ქსელისთვის.
ნაბიჯი 4: შეიყვანეთ თანხის გატანა გსურთ, ან სრულად გასატანად დააჭირეთ ღილაკს „ყველა“. ჯაჭვის ტიპის არჩევის შემდეგ, გასატანი თანხის ველში მითითებული იქნება ამ კონკრეტული მონეტისა და ბლოკჩეინ ქსელის მინიმალური განაღდების ლიმიტი. ასევე, გვერდის მარჯვენა მხარეს ნახავთ თანხის განაღდების დღიურ და ყოველთვიურ დარჩენილ ლიმიტს. გატანის ლიმიტის შესაცვლელად, მიჰყევით აქ მოცემულ ინსტრუქციას.
ნაბიჯი 5: დააჭირეთ დადასტურების ღილაკს, რის შემდეგ გადამისამართდებით გატანის დადასტურების გვერდზე. თქვენ მოგიწევთ ვერიფიკაციის ორი საფეხურის გავლა: ელ. ფოსტის ვერიფიკაცია და Google აუტენტიფიკაცია (ბოლო დაგჭირდებათ იმ შემთხვევაში, თუ თქვენი საფულის მისამართი არ არის ვერიფიცირებული)
თუ თქვენი მისამართი ვერიფიცირებულია გატანის მისამართის თეთრ სიაში, თქვენ არ დაგჭირდებათ 2FA ვერიფიკაციის პროცესის გავლა და შეგიძლიათ გამოაგზავნოთ გატანის მოთხოვნა ქვემოთ მოცემული მაგალითის სახით. გატანისთვის თქვენი საფულის მისამართის დადასტურებლად შეგიძლიათ გაეცნოთ ამ სახელმძღვანელოს.
ნაბიჯი 6: ელ.ფოსტის ვერიფიკაციის კოდი გაიგზავნება თქვენ მიერ რეგისტრირებული ელ.ფოსტის მისამართზე. გთხოვთ, შეიყვანოთ მიღებული ვერიფიკაციის კოდი.
ნაბიჯი 7: გთხოვთ, ასევე შეიყვანოთ მიღებული 6-ციფრიანი Google აუტენტიფიკატორის 2FA უსაფრთხოების კოდი.
ნაბიჯი 8: დააჭირეთ გაგზავნის ღილაკს. თქვენი გატანის მოთხოვნა წარმატებით გაიგზავნა!
შენიშვნები:
— იმ შემთხვევაში, თუ არ მიგიღიათ შეტყობინება ელ.ფოსტაზე, გთხოვთ, შეამოწმოთ თქვენი ელ. ფოსტის სპამის ფოლდერი. ვერიფიკაციის ელ.წერილი ძალაში იქნება მხოლოდ ხუთი წუთის განმავლობაში.
— გატანას შეიძლება დასჭირდეს 30 წუთი ან ერთი საათი. გთხოვთ, გაითვალისწინოთ, რომ ქსელის მაღალი გადატვირთულობის შემთხვევაში, გატანას შეიძლება მეტი დრო დასჭირდეს.