მხოლოდ განთავსების ორდერი

ლიმიტ ან პირობით ლიმიტ ორდერებზე დამატებითი ფუნქციის სახთ ხელმისაწვდომია “მხოლოდ განთავსების” ორდერები, ისინი უზრუნველყოფს თქვენი ლიმიტ ორდერების განთავსებას ორდერების წიგნში და, შესაბამისად, შესრულებისას თქვენ იხდით უფრო დაბალ სავაჭრო საკომისიოს. ამ პარამეტრის არჩევით, სისტემა ავტომატურად გააუქმებს ლიმიტ ორდერს, თუ აღმოაჩენს, რომ იგი შესრულდება ორდერის განთავსებისთანავე.

ვაჭრობის მთავარი მიზანი

ლიმიტ ორდერებზე მხოლოდ განთავსების ფუნქციის არჩევით, ტრეიდერებს შეუძლიათ უზრუნველყონ ორდერების ორდერების წიგნში განთავსება და, შესაბამისად, შესრულებისას უფრო დაბალი სავაჭრო საკომისიოს გადახდა. ეს ტრეიდერებისთვის ნიშნავს, რომ მათ ახლა შეუძლიათ მეტი კონტროლი ჰქონდეთ თავიანთ სავაჭრო საკომისიოებზე, რაც განსაკუთრებით სენსიტიურია დიდი მოცულობის ან სკალპ ტრეიდერებისთვის.

მაგალითი

უაღრესად არასტაბილურ საბაზრო სიტუაციაში (მაგ. დემპინგი), ტრეიდერი A განათავსებს ყიდვის ლიმიტ ორდერს BTC/USDT-ში 1 BTC 9000 USDT ფასით. ორდერების წიგნში ნაჩვენები ამჟამინდელი საუკეთესო მოთხოვნილი ფასი 9001 სწრაფად გადადის 8995-ზე, როდესაც ლიმიტ ორდერი საბოლოოდ განთავსდება.

ქვემოთ მოცემულია ტრეიდერი A-ს 2 მაგალითი, რომელიც ათავსებს ლიმიტ ორდერის მხოლოდ განთავსების ფუნქციის არჩევით ან მის გარეშე.

მხოლოდ განთავსების ფუნქციის გარეშე

ვინაიდან საუკეთესო მოთხოვნილი ფასი უკვე გადავიდა უკეთეს ფასზე (8995 USDT) ყიდვის ლიმიტ ორდერის ფასთან შედარებით (9000 USDT), სისტემა დაუყოვნებლივ შეასრულებს ლიმიტ ორდერს, როგორც საბაზრო ორდერს და შეავსებს მას საუკეთესო ხელმისაწვდომი ფასიდან 9000 USDT-მდე. შედეგად, ამან შესაძლოა უნებლიედ აიძულოს ტრეიდერი A გადაიხადოს ტეიკერის საკომისიო, როდესაც, რეალურად, ის ელოდება უფრო დაბალი სავაჭრო საკომისიოს გადახდას (მეიკერის საკომისიო).

შენიშვნა: თქვენი ლიმიტ ორდერის შესრულება ასევე დიდად იქნება დამოკიდებული მისთვის თქვენ მიერ არჩეულ Time-In-Force სტრატეგიაზე.

მხოლოდ განთავსების ფუნქციით

ვინაიდან საუკეთესო მოთხოვნილი ფასი უკვე გადავიდა უკეთეს ფასზე (8995 USDT ) ყიდვის ლიმიტ ორდერის ფასთან შედარებით (9000 USDT), რაც გამოიწვევს ორდერის დაუყოვნებლივ შესრულებას, სისტემა ავტომატურად გააუქმებს ამ ლიმიტ ორდერს, რადგან ის ვერ განთავსდება ორდერების წიგნში. ეს ნიშნავს, რომ ტრეიდერი A უნებლიედ არ გადაიხდის უფრო მაღალ სავაჭრო საკომისიოს (ტეიკერის საკომისიო).