განმარტება: რა არის კრიპტო საბაზრო კაპიტალიზაცია?

კრიპტოვალუტის საბაზრო კაპიტალიზაცია არის ტოკენის ან კოინის ფულადი ღირებულება გამრავლებული მიმოქცევაში არსებულ მის რაოდენობაზე (მოპოვებული ან დამინტული კოინების/ტოკენების რაოდენობაზე). ის ხაზს უსვამს აქტივის სტაბილურობას და ღირებულებას გრძელვადიან პერსპექტივაში. 



მიუხედავად იმისა, რომ კრიპტო უდავოდ არასტაბილურია, დიდი საბაზრო კაპიტალიზაციის მქონე კრიპტოვალუტები, როგორც წესი, მიუთითებს ინვესტიციების მეტ სტაბილურობაზე მაშინ, როდესაც მცირე კაპიტალიზაციის მქონე კრიპტოვალუტები უფრო მგრძნობიარეა ბაზრის ზოგადი განწყობის მიმართ. 



მოდით, მეტი გავიგოთ საბაზრო კაპიტალიზაციისა და იმის შესახებ, თუ რატომ არის ის მნიშვნელოვანი თქვენს კრიპტო მოგზაურობაში. 



ძირითადი დასკვნები:

1. კრიპტოვალუტის საბაზრო კაპიტალიზაცია არის ტოკენის ან კოინის ფულადი ღირებულება გამრავლებული მიმოქცევაში არსებულ მის რაოდენობაზე. ის იძლევა წარმოდგენას კრიპტოვალუტის სტაბილურობისა და ღირებულების შესახებ გრძელვადიან პერსპექტივაში.

2. მაღალი საბაზრო კაპიტალიზაციის მქონე კრიპტოვალუტები, მცირე კაპიტალიზაციის მქონე კრიპტოვალუტებთან შედარებით, უფრო სტაბილური და ნაკლებად მგრძნობიარეა ბაზრის ზოგადი განწყობის მიმართ.

რატომ არის საბაზრო კაპიტალიზაცია მნიშვნელოვანი კრიპტოვალუტებისთვის?



კრიპტოვალუტების ბაზარზე, მხოლოდ ფასი შეიძლება იყოს შეცდომაში შემყვანი მაჩვენებელი პროექტის რეალური პოტენციალისა და ღირებულების განსაზღვრისას. ყველაზე დიდი კაპიტალიზაციის მქონე კრიპტოვალუტის, ბიტკოინის, ღირებულებაც კი შეიძლება მკვეთრად გაიზარდოს ან დაეცეს ისეთი ფაქტორების გამო, როგორებიცაა საზოგადოების ენთუზიაზმი, მიმოქცევაში არსებული რაოდენობის სწრაფი ცვლილებები ან თუნდაც ქვეყანაში კრიპტოს აკრძალვა. 



ასეთი მოვლენები ხშირად გავლენას ახდენს კრიპტოვალუტის საბოლოო პოტენციალის საერთო სურათზე. 



გამჭრიახ კრიპტო ინვესტორებს მოსწონთ ისეთი კოინი ან ტოკენი, რომელსაც შედარებით დაბალი რაოდენობა, მაგრამ მაღალი ღირებულება აქვს. ამასთან, კრიპტო ინვესტორები საბაზრო კაპიტალიზაციას კრიტიკულად მნიშვნელოვან მაჩვენებლად იყენებენ კრიპტოვალუტების ღირებულებების შესადარებლად და მათი პოტენციური ზრდის დასადგენად. 



საერთო ჯამში, აქტივების მაღალი საბაზრო კაპიტალიზაცია, როგორც წესი, ინვესტორების მხრიდან მათ სანაცვლოდ თანხის გადახდის მზაობაზე მიუთითებს.

მაგალითად, როდესაც კრიპტო ენთუზიასტები კრიპტოვალუტის მთლიან რაოდენობას ახსენებენ, ისინი ზოგჯერ იყენებენ ტერმინს „მთლიანი საბაზრო ღირებულება“ (FDV). მთლიანი საბაზრო კაპიტალიზაცია გამოითვლება კრიპტოვალუტის ყველა კოინის ღირებულების საფუძველზე და არა მხოლოდ მიმოქცევაში არსებულის. ბიტკოინის (BTC) განგრძობადი წარმატებული ფუნქციონირების ერთ-ერთი მიზეზი ის არის, რომ მისი მთლიანი რაოდენობა მხოლოდ 21 მილიონია. ამჟამად, ამ კოინებიდან ერთ მილიონზე მეტია მოსაპოვებელი, რადგან მიმოქცევაში არსებული BTC-ის მთლიანი რაოდენობა 19 მილიონზე მეტია. 



შედეგად, BTC ერთ-ერთი საუკეთესოდ ფუნქციონირებადი კრიპტოაქტივია, რაც განპირობებულია მისი სიმწირითა და სარგებლიანობით. ტოკენის რაოდენობის განხილვისას, კრიტიკულად მნიშვნელოვანია განასხვავოთ FDV და მიმოქცევაში არსებული რაოდენობა, როგორც სტანდარტი, რადგან საბაზრო კაპიტალიზაციის გათვალისწინება მაკრო სურათის დანახვის საშუალებას იძლევა უფრო ინფორმირებული საინვესტიციო გადაწყვეტილებების მისაღებად.

როგორ გამოითვლება კრიპტოს საბაზრო კაპიტალიზაცია

ზუსტად ისევე, როგორც აქციის საბაზრო კაპიტალიზაციას გამოითვლით, აქციის მიმდინარე ფასის გამრავლებით ბრუნვაში არსებული აქციების რაოდენობაზე, კრიპტოვალუტის საბაზრო კაპიტალიზაციასაც გამოითვლით კოინის/ტოკენის მიმდინარე საბაზრო ფასის გამრავლებით მიმოქცევაში არსებულ მის რაოდენობაზე. 



მაგალითად, თუ გვსურს, ჩვენ თვითონ გავიგოთ კარდანოს (ADA) მიმდინარე საბაზრო კაპიტალიზაცია, ვაწარმოებთ შემდეგ გამოთვლას:



• კარდანოს ამჟამინდელ მიმოქცევაში არსებული რაოდენობა არის 35,045,020,830, ხოლო ერთეულის ფასი 0.279$ შეადგენს (წინამდებარე პოსტის წერის მომენტისთვის)

• გაამრავლეთ 35,045,020,830 ტოკენი 0.279$-ზე

• ADA-ს საბაზრო კაპიტალიზაცია შეადგენს 9,768,165,285$-ს (დაახლოებით 9.8 მილიარდ აშშ $-ს)



თუმცა, კოინის საბაზრო კაპიტალიზაციის გამოთვლა უფრო მარტივი გზით შეგიძლიათ. უბრალოდ გამოიყენეთ კრიპტოვალუტების საბაზრო კაპიტალიზაციის კალკულატორები ან ეწვიეთ ფასების ერთიანად გამომთვლელ პორტალებს, როგორებიცაა CoinGecko და CoinMarketCap, რათა გაიგოთ კრიპტოვალუტების უმეტესობის მიმდინარე საბაზრო კაპიტალიზაცია. 

საბაზრო კაპიტალიზაციის მიხედვით წამყვანი კრიპტოვალუტების გამოვლენა

ტერმინი „საბაზრო კაპიტალიზაცია“ ხშირად გამოიყენება ყველაზე პოპულარული კრიპტოვალუტის იდენტიფიცირებისას. ინვესტორები უფრო მაღალი საბაზრო კაპიტალიზაციის მქონე კრიპტოვალუტებს სასურველად მიიჩნევენ. 2009 წელს კრიპტოვალუტის გაჩენიდან მოყოლებული, ბიტკოინი რჩება წამყვან კრიპტოვალუტად საბაზრო კაპიტალიზაციის მიხედვით. 



2021 წლის ნოემბერში ბიტკოინმა მიაღწია მაქსიმალურ საბაზრო კაპიტალიზაციას, 1.23 ტრილიონ $-ს, როდესაც 1 BTC 69,044$-ად ივაჭრებოდა. საბაზრო კაპიტალიზაციის ზრდა ათჯერ მეტი იყო 2013 წლის ანალოგიურ პერიოდთან შედარებით, როდესაც ბიტკოინის საბაზრო კაპიტალიზაცია დაახლოებით 1.2 მილიარდ $-ს შეადგენდა. ასეთი ზრდა მიუთითებს კოინის ეკოსისტემის ზრდაზე, რაც დამატებით განპირობებულია ხელმისაწვდომი კოინების რაოდენობის შემცირებით. 



კიდევ ერთი წამყვანი კრიპტოვალუტა, რომელიც დიდი ხანია მეორე ადგილს იკავებს, არის ეთერიუმი. 2021 წლის ნოემბერში, როდესაც დაფიქსირდა ეთერიუმის უმაღლესი ფასი, 4,878$, მისმა საბაზრო კაპიტალიზაციამ 571.67 მილიარდი $ შეადგინა. ეს მაჩვენებელი უზარმაზარ ზრდას წარმოადგენდა 2015 წლის 80.34 მილიონ $-თან შედარებით, როდესაც ETH-ის ფასი ყველა დროის მინიმუმზე (ATL) - 0.43$-ზე იყო. ეთერიუმის ეკოსისტემა წლების განმავლობაში უზომოდ გაიზარდა, რამაც მისი საბაზრო კაპიტალიზაციის ეს წარმოუდგენელი ზრდა გამოიწვია. 



თეზერი (USDT), საბაზრო კაპიტალიზაციის თვალსაზრისით კიდევ ერთი წამყვანი კრიპტოვალუტა, არის წამყვანი სტაბილკოინი. USDT საკმაოდ დიდი ხანია საბაზრო კაპიტალიზაციის მიხედვით სამ საუკეთესო კრიპტოვალუტას შორის რჩება. საინტერესოა, რომ მიუხედავად ამჟამინდელი დათვის ბაზრისგამო თეზერის ვაჭრობის მოცულობის მკვეთრი შემცირებისა, მისი საბაზრო კაპიტალიზაცია, 2023 წლის ივნისის მონაცემებით, თითქმის ყველა დროის მაქსიმუმს, 83 მილიარდ $-ს შეადგენს. 





კრიპტოვალუტების კლასიფიკაცია



საბაზრო კაპიტალიზაციის მიხედვით, კრიპტოვალუტები იყოფა სამ სახეობად: დიდი კაპიტალიზაციის, საშუალო კაპიტალიზაციისა და მცირე კაპიტალიზაციის მქონე კრიპტოვალუტებად. მოდით, განვიხილოთ ეს კატეგორიები და მათში შემავალი ზოგიერთი კრიპტოვალუტა. 



დიდი კაპიტალიზაციის მქონე



დიდი კაპიტალიზაციის მქონე კრიპტოვალუტები არის ისინი, რომელთა საბაზრო კაპიტალიზაცია, როგორც წესი, 10 მილიარდ $-ს აღემატება. ეს კრიპტოვალუტები კრიპტოვალუტების საბაზრო კაპიტალიზაციის ლომის წილს იკავებენ. მათთვის, ვინც ჩვეულებრივ საფონდო ბირჟაზე ინვესტირებას არის მიჩვეული, დიდი კაპიტალიზაციის მქონე კრიპტოვალუტების შეძენა იგივეა, რაც მაღალდივიდენდიანი, ე.წ. “ლურჯი ჩიპების” აქციების ყიდვა. 



“ლურჯი ჩიპების” კრიპტოვალუტებადმიჩნეულ ამ კრიპტოვალუტებს შორისაა ბიტკოინი, ეთერიუმი, თეზერი, რიპლი (XRP) და BNB კოინი (BNB). 2023 წელს მსხვილი კაპიტალიზაციის მქონეთა კლასის ახალი წევრია Lido Staked Ether (stETH). 



მიუხედავად იმისა, რომ კრიპტოვალუტების ბაზარი ამ დონეზე კვლავ არასტაბილურად მიიჩნევა, ინვესტორები დიდი კაპიტალიზაციის მქონე კრიპტოვალუტებს აკუთვნებენ დაბალი რისკის ჯგუფს, რადგან ისინი უფრო დამკვიდრებულები არიან და ნაჩვენები აქვთ მდგრადი ზრდა და ლიკვიდურობა. ასევე, მათი მკვეთრი ვარდნის ალბათობა გარკვეულწილად ნაკლებია მაშინაც კი, როდესაც ბაზრის ინვესტორების დიდ რაოდენობას უკან გამოაქვს თავისი ინვესტიციები. 



თუმცა, ყველას, ვინც რეგულარულად ადევნებს თვალყურს კრიპტო ბაზრებს, შეუძლია დაადასტუროს, რომ კრიპტოში შეუძლებელი არაფერია — მაგალითად, ლუნას კრახი 2022 წელს.



საშუალო კაპიტალიზაციის მქონე 



საშუალო კაპიტალიზაციის მქონე კრიპტოვალუტების საბაზრო კაპიტალიზაცია 1 მილიარდიდან 10 მილიარდ $-მდე მერყეობს. ამ კატეგორიის კრიპტოვალუტების უმეტესობა (რომლებიც ბაზარზე განთავსდა ხუთ წელზე ნაკლები ხნის წინ) ხშირად მოძრაობაშია, ქმნის უაღრესად ინოვაციურ პროდუქტებს, განსაკუთრებით DeFi-ს ნიშაში. 



2023 წელს გაშვებისთანავე ამ კატეგორიაში შემოიჭრნენ ახალი წევრები - არბიტრუმი და აპტოსი. სხვები, რომლებიც უკვე გარკვეული ხანია არსებობს, მოიცავს ავალანშს, უნისვოპს, პოლკადოტსა და ჩეინლინკს. მიუხედავად იმისა, რომ ისინი ჯერ კიდევ საკმაოდ არასტაბილური და რისკის შემცველია, შესაძლოა მათ კარგი შემოსავალი მოგცეთ, თუ ადრე მოახერხებთ ამ პროექტებში შესვლას. 



მცირე კაპიტალიზაციის მქონე 



მცირე კაპიტალიზაციის მქონე კრიპტოვალუტების საბაზრო კაპიტალიზაცია მილიარდ $-ზე ნაკლებია. ისინი ხასიათდებიან მაღალი რისკით, მაგრამ ზოგიერთ მათგანს ასტრონომიული შემოსავლების მოტანის პოტენციალი აქვს. სამწუხაროდ, ეს კრიპტოვალუტები ყველაზე არასტაბილურ კრიპტოვალუტებად მიიჩნევა და ბევრ მათგანთან დაკავშირებით თაღლითობისა და თაღლითური სქემების კვალი ფიქსირდება. 



ზოგიერთი კრიპტო ინფლუენსერი კატეგორიულად უჭერს მხარს მცირე კაპიტალიზაციის კრიპტოვალუტების ყიდვას, სანამ მათი საბაზრო კაპიტალიზაცია ძლიერ გაიზრდება. ბოლოსდაბოლოს, დიდი კაპიტალიზაციის მქონე ყველა კრიპტოვალუტა საწყის ეტაპზე მცირე კაპიტალიზაციის იყო. გონივრული საინვესტიციო სტრატეგია ყოველთვის მოიცავს პროექტის ზრდის პოტენციალის შესწავლას, ხოლო აღნიშნულის განუყოფელი ნაწილია მისი საბაზრო კაპიტალიზაციისა და კლასიფიკაციის მონიტორინგი. სხვა მეტრიკები, რომლებიც ყიდვამდე საფუძვლიანად უნდა იქნას განხულული, მოიცავს კოინის ტოკენომიკას, პროექტის გუნდს და სხვა ცვლადებს. 

კრიპტოვალუტების ღირებულებები შედარება

ვინაიდან საბაზრო კაპიტალიზაცია კრიპტოვალუტის ფასთან ერთად მერყეობს, წუთობრივი განახლებების მიღება აუცილებელია. კრიპტო აგრეგატორებისა და ბირჟების უმეტესობა რეალურ დროში განაახლებს აქტივის საბაზრო კაპიტალიზაციას, ფასს და მიმოქცევაში არსებულ მიწოდებას. 



მაგალითად, CoinMarketCap და CoinGecko კრიპტოვალუტების შესახებ ვრცელ განახლებებს გთავაზობთ, ხოლო Bybit-ის ბაზრის მიმოხილვა ლაივ რეჟიმში გთავაზობთ ბაზრის 24-საათიანი ბრუნვის მაჩვენებლის განახლებებს. მიუხედავად იმისა, რომ ყოველ კრიპტო ინვესტორს ამ მაჩვენებლების თვალყურის დევნების საკუთარი მეთოდი აქვს, არსებობს უამრავი ონლაინ რესურსი. 



საბაზრო კაპიტალიზაციის გათვალისწინება უფრო გონიერი ინვესტორებისთვის დამახასიათებელი ნიშანია.

შეწონილი საბაზრო კაპიტალიზაციის სტრატეგია კრიპტოსთვის

იმ ინვესტორებისთვის, რომლებიც ცდილობენ თავიანთ საინვესტიციო სტრატეგიები კიდევ ერთი ელემენტით გაამდიდრონ, შეწონილი საბაზრო კაპიტალიზაციის შეფასებები შეიძლება სასარგებლო იყოს. მაგალითად (გამოთვლის გამარტივების მიზნით გამოყენებულია მცირე რიცხვები), თუ კრიპტო “ა”-ს საბაზრო კაპიტალიზაცია არის 20$, ხოლო კრიპტო “ბ”-სი - 80$, მაშინ ორივე საბაზრო კაპიტალიზაციის ჯამი არის 100$. 



100$-ის ინვესტიციის განმახორციელებელ პირს შეუძლია თავისი სახსრებიდან 20$ დააბანდოს კრიპტო “ა”-ში, ხოლო 80$ - კრიპტო “ბ”-ში. შეწონილი საბაზრო კაპიტალიზაციის სტრატეგია, რომელიც აღებულია ცენტრალიზებული ფინანსების (CeFi-ს) სამყაროდან, აშკარა უპირატესობას ანიჭებს იმ კოინებში ინვესტირებას, რომლებსაც უფრო მაღალი საბაზრო კაპიტალიზაცია აქვთ.



ზოგი მიიჩნევს, რომ ეს ტაქტიკები კრიპტო სამყაროში ისე კარგად არ მუშაობს, როგორც ტრადიციულ ფინანსებში (TradFi-ში), თუმცა ბევრი სხვა ამ ინვესტირების ამ სტრატეგიას ყოველდღიურად იყენებს.

რა ფაქტორებმა შეიძლება მოახდინოს გავლენა საბაზრო კაპიტალიზაციაზე?

საბაზრო კაპიტალიზაციაზე გავლენის მომხდენი ძირითადი ფაქტორებია მიწოდება და ფასი. ფასის მკვეთრი ზრდა საბაზრო კაპიტალიზაციის მნიშვნელოვან ზრდას იწვევს. თუმცა, ვინაიდან მიწოდება ყოველთვის გარკვეულ როლს ასრულებს განტოლებაში, ინვესტორები ნებისმიერი კრიპტოვალუტის მომავლის შესახებ უფრო ნათელ წარმოდგენას იღებენ, როდესაც თავს არიდებენ ფასებთან დაკავშირებულ დროებით აღფრთოვანებას და განიხილავენ საბაზრო კაპიტალიზაციის მონაცემებს.

დასკვნა

როგორც საინვესტიციო ინსტრუმენტი, საბაზრო კაპიტალიზაცია შეიძლება სასარგებლო იყოს — და როგორც ნებისმიერი საინვესტიციო წამოწყების შემთხვევაში, კრიპტო სამყაროში გაწევრების მსურველებმაც ფაქტობრივი მონაცემები უნდა გამოიყენონ. განსაკუთრებით კრიპტოვალუტის შემთხვევაში, ემოციური გადაწყვეტილებების მიღება შეიძლება ძალიან მაცდურად ჟღერდეს. 



მედია აზვიადებს ბიტკოინისა და სხვა ალტკოინების თითოეულ ხარის ბაზარს, თუმცა, როგორც წესი, არ ცდილობს, ანალოგიური შემართებით გააშუქოს დათვის ბაზრების გახანგრძლივებული პერიოდები. კრიპტო ინვესტორი, რომელიც თავის სტრატეგიაში საბაზრო კაპიტალიზაციას ითვალისწინებს, იმავე პრინციპს იყენებს, რასაც პილოტი, რომელიც პრობლემის პირველივე ნიშნის გამოვლენისთანავე ამოწმებს ინსტრუმენტების დაფას.



პანიკისა და გარეთ ყურების ნაცვლად, კარგმა პილოტმა იცის, რომ უახლესი მონაცემების შემოწმება დაეხმარება მას ეფექტური გადაწყვეტილებების მიღებაში, რათა კვლავ შეძლოს ცაში აფრენა.





#Bybit #TheCryptoArk