სახელმძღვანელო დამწყებთათვის: რა არის კრიპტო ონკანი?



იცოდით, რომ 2010 წელს შეგეძლოთ 5 BTC უფასოდ მიგეღოთ? მიუხედავად იმისა, რამდენად არ გჯერათ, ეს სიმართლეა! გევინ ანდრესენმა, ხშირად ცნობილმა როგორც ბიტკოინის სახე, პირველი კრიპტო ონკანი 2010 წლის ივნისში გამოუშვა, რომელიც ახალ მომხმარებლებს 5 BTC-ს აძლევდა.  

კრიპტო ონკანი არის ვებგვერდი ან აპლიკაცია, რომელიც გაჯილდოვებთ კრიპტოვალუტებით შედარებით მარტივი დავალებების შესრულების სანაცვლოდ, რომლებიც არ მოითხოვს დიდ შრომას, მაგალითად, captcha-ს შევსება, რეკლამების ნახვა ან კითხვარების შევსება. 

წინამდებარე სახელმძღვანელო განიხილავს კრიპტო ონკანებს, მათ აქტუალურობას დღევანდელ სამყაროში და დღესდღეობით ხელმისაწვდომი კრიპტო ონკანების სხვადასხვა სახეობას. 

რა არის კრიპტო ონკანი?

კრიპტო ონკანი მარტივი დავალებების შესრულებისთვის კრიპტოთი გაჯილდოვებთ. ჯილდოს მექანიზმი „გაფუჭებულ ონკანს“ ჰგავს, რომლიდანაც წარმატებით შესრულებული ყოველი დავალების შემდეგ ჟონავს კრიპტო. 

ეს „უფასო კრიპტოსავით“ ჟღერს? დიახ! ერთადერთი რამ, რაც უნდა გაიღოთ კრიპტო ონკანიდან უფასო კრიპტოს მისაღებად, არის სხვადასხვა დავალების შესასრულებლად საჭირო დრო. თუმცა, ნუ გექნებათ ძალიან დიდი იმედები, რადგან მიღებული ჯილდო გაცილებით ნაკლებია, ვიდრე წარმოგიდგენიათ. 

ყოველ საათში მხოლოდ რამდენიმე ცენტს იღებთ და ყველაზე მაღალანაზღაურებადი კრიპტო ონკანების საშუალებითაც კი საათში მხოლოდ 30 ცენტი შეიძლება მიიღოთ — თუ გაგიმართლათ. ისევე, როგორც გაფუჭებული ონკანიდან ჟონავს წყლის წვეთები მისი გადაკეტვის შემდეგ, კრიპტო ონკანიდანაც ჟონავს ძალიან მცირე ოდენობის კრიპტო. ბიტკოინის ტიპურ ონკანში ჯილდოები გაიცემა სატოშებში, ბიტკოინის ყველაზე მცირე ერთეულში, რომელიც ბიტკოინის 1/100 მემილიონედის ეკვივალენტურია.

კრიპტო ონკანები არ არის ფართოდ გავრცელებული, ჯილდოების მცირე ოდენობისა და საეჭვო მეთოდების გამო, რომლებსაც ონკანების ბევრი ვებგვერდი ფულის საშოვნელად იყენებს. კრიპტო ონკანის მთელი მიზანია ხალხის ცნობიერების ამაღლება „უფასო კრიპტოვალუტების“ გაცემის მეშვეობით. თუმცა, მას შემდეგ ის სრულიად ახალ ბიზნეს მოდელად გარდაიქმნა, რათა მისი საშუალებით მიიღონ მოგება ყველა სახის სპეკულაციური ყიდვა-გაყიდვიდან. 

როგორ მუშაობს კრიპტო ონკანი?

კრიპტო ონკანის მუშაობის პრინციპის გაგებამდე, საჭიროა გავიგოთ მისი ძირითადი ბიზნეს მოდელი. კომპანიები კრიპტო ონკანებს იყენებენ შემოსავლის მაქსიმალურად გასაზრდელად და მოგების მისაღებად. მათი შემოსავლის მნიშვნელოვანი ნაწილი „ტრაფიკის არბიტრაჟიდან“ მოდის,რაც იმას ნიშნავს, რომ ისინი სხვადასხვა სარეკლამო ქსელში აგზავნიან ტრაფიკს, იღებენ შემოსავალს და მის მცირე ნაწილს უზიარებენ მომხმარებლებს. 

კრიპტო ონკანების ტრაფიკის ერთადერთი წყაროაის ადამიანები, რომლებიცამ რეკლამებს ნახულობენ და არიან ამ სარეკლამო ქსელების წევრები. ამ რეკლამების ნახვის სანაცვლოდ იღებთ სარეკლამო ქსელების შემოსავლის მცირე ნაწილს კრიპტოვალუტაში გამოხატული ჯილდოს სახით. 

თუმცა, შემოსავლების გაზიარების ეს არბიტრაჟის მოდელი მხოლოდ სარეკლამო ქსელებით არ შემოიფარგლება. ეს ონკანები ასევე მუშაობს captcha-სთან, გეიმინგ ქსელებთან, გამოკითხვების კომპანიებთან, შვილობილ ქსელებთან და სხვა პლატფორმებთან, სადაც შემოსავლების გაზიარების მოდელი გამართლებულია ბიზნესისთვის.

რაც უფრო მეტ დროს დახარჯავთ კრიპტო ონკანის საიტზე დავალებების შესრულებაზე, მით უფრო მეტ ფულს გამოიმუშავებთ. თუ დააკვირდებით, დავალებები ძალიან მარტივია, რაც ადამიანებს უბიძგებს შექმნან ალგორითმები და ბოტები, რომლებსაც შეუძლიათ ამ ონკანების სწრაფად დათვალიერება და მათი სახელით დავალებების შესრულება. თუმცა, კრიპტო ონკანების ვებგვერდები მაქსიმალურად ცდილობენ, ბოტებმა ვერ გამოიყენონ პლატფორმა, რათა თავიდან აიცილონ სარეკლამო ქსელების მხრიდან დაჯარიმება. 

გაითვალისწინეთ, რომ ტრანზაქციის მაღალი საკომისიოს გამო, როგორც წესი, მოქმედებს გატანის მინიმალური ოდენობის ლიმიტი. ქსელები იყენებენ მიკრო საფულეს და მიკროგადახდების პლატფორმას ონკანის ჯილდოების გასაცემად, როგორც კი მოგროვდება გატანისთვის აუცილებელი მინიმალური ოდენობა. კრიპტო ონკანების ბევრი ვებგვერდი ასევე იყენებს საკუთარ ტოკენებს, რომლებიც შეგიძლიათ მოგვიანებით გადაცვალოთ ნებისმიერ მხარდაჭერილკრიპტოვალუტაში მათი პლატფორმის ან ნებისმიერი მესამე მხარე ბირჟის მეშვეობით.

როგორ გამოვიყენოთ კრიპტო ონკანი

კრიპტოზე დაფუძნებული სხვა აპლიკაციებისგან განსხვავებით, კრიპტო ონკანის გამოყენება შედარებით მარტივია. არ არის საჭირო გქონდეთ ტექნიკურ სფეროსთან შეხების გამოცდილება. კრიპტო ონკანის გამოსაყენებლად მხოლოდ ქვემოთ მოცემული მარტივი ნაბიჯების შესრულება დაგჭირდებათ: 

1. დარეგისტრირდით კრიპტოვალუტის ონკანზე.

2. დაამატეთ თქვენი საფულის მისამართი (მიკრო საფულე).

3. შაერჩიეთ და შეასრულეთ სხვადასხვა დავალება.

4. მიიღეთ ანაზღაურება!

მიუხედავად იმისა, რომ ყველა კრიპტო ონკანს განსხვავებული ინტერფეისი აქვს, ყველა კრიპტო ონკანი ერთსა და იმავე ნაბიჯებს მიჰყვება. რეგისტრაციისა და პროფილის შევსების შემდეგ, შეგიძლიათ დაამატოთ თქვენი საფულის მისამართი. მნიშვნელოვანია აღინიშნოს, რომ ამ ონკანების უმეტესობა მიკროგადახდების გასაგზავნად მიკროსაფულეებს იყენებს, რის გამოც ვერ დაამატებთ ბიტკოინის ან ეთერიუმის ჩვეულებრივი საფულის მისამართს. 

ყველაზე გავრცელებული მიკროგადახდის საფულე, რომელსაც ეს კრიპტო ონკანები იყენებენ, არის FaucetPay. შეგიძლიათ დარეგისტრირდეთ მათ ვებგვერდზე და დააყენოთ მიკრო საფულე შემომავალი გადახდების მისაღებად. შეგიძლიათ გამოიყენოთ თქვენი FaucetPay საფულის მისამართი ნებისმიერი კრიპტო ონკანისთვის, რომელსაც იყენებთ. 

რეგისტრაციისა და საფულის მისამართის დამატების შემდეგ, მთავარი პანელიდან შეგიძლიათ აირჩიოთ ნებისმიერი დავალება, რომლის შესრულებაც გსურთ. თითოეულ დავალებასთან დაკავშირებით შეგიძლიათ იხილოთ შესრულებისთვის საჭირო დრო და გადახდის (ჯილდოს) ოდენობა, რომელსაც მიიღებთ ამ დავალების შესრულების შემდეგ.

მიუხედავად იმისა, რომ თითოეული კრიპტო ონკანი სხვადასხვა დავალებას გთავაზობთ, ძალიან ფრთხილად იყავით ბმულებზე დაწკაპუნებისას და დარწმუნდით, რომ არ გასცემთ თქვენს პერსონალურ ინფორმაციას. უსაფრთხოების მიზნით, გირჩევთ, ამ ამოცანების შესრულებისას გამოიყენოთ სხვა ბრაუზერი.

დავალებების შესრულების შემდეგ შეგეძლებათ იხილოთ ჯილდოები თქვენს ბალანსზე. ბევრი ონკანი საშუალებას გაძლევთ აირჩიოთ ჯილდოებისთვის ძირითადი ვალუტა, როგორიცაა ბიტკოინი, ეთერიუმი ან სხვა ნებისმიერი მხარდაჭერილი ვალუტა. როგორც კი დააფიქსირებთ გატანის მინიმალურ ლიმიტს, შეგიძლიათ თქვენი შემოსავალი კრიპტო ონკანის პლატფორმიდან პირდაპირ იმ მიკროგადახდის საფულეზე გამოიტანოთ, რომელიც პირველ ეტაპზე დაამატეთ. 

თუმცა, ვერ შეძლებთ უბრალოდ იჯდეთ და დღეში 20 საათი დახარჯოთ ამ დავალებებზე. ამ კრიპტო ონკანებს აქვთ გარკვეული შეზღუდვები იმ დავალებების რაოდენობასთან დაკავშირებით, რომელთა შესრულებაც შეგიძლიათ დღის განმავლობაში. ეს ლიმიტი ხელს უშლის ბოტებს და ავტომატიზებულ ინსტრუმენტებს ონკანების სისტემის ბოროტად გამოყენებაში. თუ კრიპტო ონკანი თქვენი ანგარიშიდან წამოსულ რაიმე საეჭვო აქტივობას აღმოაჩენს, მას შეუძლია თქვენი ანგარიში დროებით შეაჩეროს ან დაუყოვნებლივ დაბლოკოს. 

კრიპტო ონკანების ისტორია

კრიპტო ონკანები ახალი ცნება არ არის. ისინი კრიპტო სივრცეში ერთ-ერთი უძველესი აპლიკაციებია, რომლებიც სათავეს 2010 წლიდან იღებს, როდესაც მხოლოდ ერთი კრიპტოვალუტა არსებობდა: ბიტკოინი. იმ დროს ბიტკოინის შესახებ ძალიან ცოტა ადამიანმა იცოდა და მას ექსპერიმენტულ ვალუტად მიიჩნევდნენ. 

ცნობილმა საიფერპანკმა და ბიტკოინის მთავარმა დეველოპერმა, გევინ ანდრესენმა, პირველი კრიპტო ონკანი 2010 წლის ივნისში გამოუშვა. ეს იყო ბიტკოინის ონკანი და მისი მთავარი მიზანი ბიტკოინის შესახებ ცნობიერების ამაღლება იყო. ამ ონკანის შექმნის კიდევ ერთი მიზეზი ის იყო, რომ იმ დროს ბიტკოინის ბირჟა არ არსებობდა — ამიტომ ამ ონკანმა ბიტკოინების შეძენა გაამარტივა. 

იმ დროს ბიტკოინი ცენტები ღირდა. ძალიან ცოტა ადამიანმა მიიღო ეს სერიოზულად. გევინმა თავის ონკანზე საკუთარი 1,100 ბიტკოინი დაამატა და 5 BTC-ს გადასცემდა ყველას, ვინც ონკანის პლატფორმაზე შევიდოდა და მარტივ captcha-ს შეასრულებდა. დროთა განმავლობაში, ამ ონკანმა სულ 19,715 ბიტკოინი გასცა, ყველა მათგანი გევინის საფულიდან. 

ამავდროულად, უფრო მეტი კრიპტოვალუტა გაჩნდა და დეველოპერებმა ჰობის დონეზე არსებული პროექტების სახით დაიწყეს თავიანთი პატარა ონკანების შექმნა. თუმცა, ონლაინ გამომცემლებს დიდი დრო არ დასჭირვებიათ იმის გასაცნობიერებლად, თუ რა პოტენციალი ჰქონდა კრიპტო ონკანებიდან მოგების მიღებას არბიტრაჟზე ორიენტირებული ბიზნეს მოდელის გამოყენებით. 

ეს შემოსავლის მომტანი კრიპტო ონკანები მალევე გამრავლდა არბიტრაჟის ბიზნეს მოდელის მიერ დამკვიდრებული მდგრადობის გამო. დღესდღეობით, არსებობს კრიპტო ონკანების უზარმაზარი რაოდენობა, რომლებიც ბევრ სხვადასხვა კრიპტოვალუტაში ჯილდოს გადახდას გვთავაზობენ. ასევე, მნიშვნელოვან განვითარებას ვხედავთ მიკროგადახდების საფულეების სივრცეში, რომელიც თანამედროვე კრიპტო ონკანების აუცილებელი კომპონენტია. 

თუმცა, ამ კრიპტო ონკანებმა არ მიიპყრო ფართო საზოგადოების ყურადღება მცირე ჯილდოებისა და მათი დაგროვებისთვის საჭირო დიდი დროის გამო. თანამედროვე კრიპტო ონკანებმა დროის გამოცდას უნდა გაუძლონ და შეიძლება ველოდოთ, რომ ინოვაციური ბიზნეს მოდელები ფართო საზოგადოების ყურადღებას მიიპყრობს.

კრიპტო ონკანების სხვადასხვა სახეობა

წარსულში არსებობდა კონკრეტული კრიპტოვალუტისთვის განკუთვნილი ონკანები, რომლებიც ჯილდოს მხოლოდ ერთ კრიპტოვალუტაში იხდიდნენ. პირველი იყო ბიტკოინის ონკანი, რომელიც მხოლოდ BTC-ს უხდიდა იმ მომხმარებლებს, რომლებიც მას captcha-ს ამოხსნის სანაცვლოდ იღებდნენ. ამის შემდეგ მალევე ეკოსისტემაში გამოჩნდა Litecoin-ის ონკანები, ეთერიუმის ონკანები და კონკრეტული კრიპტოვალუტისთვის განკუთვნილი სხვა ონკანები. 

დღესდღეობით, კრიპტო ონკანები განვითარდა ისე, რომ მხარი დაუჭიროს ჯილდოს გადახდას მრავალ კრიპტოვალუტაში. შეგიძლიათ გაიტანოთ თქვენი ჯილდოები ონკანის პლატფორმის მიერ მხარდაჭერილ ნებისმიერ კრიპტოვალუტაში. 

ქვემოთ მოცემულია ცნობილი კრიპტო ონკანების სია, რომლებიც ჯერ კიდევ პოპულარულია: 

ბიტკოინის ონკანები:













ეთერიუმის ონკანები:









ლაითკოინის ონკანები: 









ალტკოინების მრავალვალუტიანი ონკანები: 













დასკვნა

კრიპტო ონკანების ცნება კრიპტოვალუტების შესახებ ცნობიერების ამაღლების მისიით დაიწყო. ახლა ისინი გადაიქცნენ ახალი ბიზნეს მოდელების მქონე დახვეწილ პლატფორმებად. 

კრიპტო ონკანებს არ მიუღიათ ფართოდ გავრცელებისთვის საჭირო ყურადღება და მათ ჯერ კიდევ სჭირდებათ გაუძლონ დროის გამოცდას. თუმცა, თუ მცირეოდენი თავისუფალი დრო გაქვთ და გსურთ უფასო კრიპტოვალუტის გამომუშავება, გადადით თქვენს ერთ-ერთ საყვარელ კრიპტო ონკანის პლატფორმაზე, რათა ცოტაოდენი ჯიბის ფული გამოიმუშაოთ.

ასე რომ, კრიპტოვალუტის სფეროში ახლადშეძენილი ცოდნით, რატომ არ უნდა დარეგისტრირდეთ Bybit-ზე?

დარეგისტრირდით უფასო სავაჭრო ანგარიშის მისაღებად და დაეუფლეთ 600$-მდე ჯილდოს.