რა არის კრიპტოს უკუგარიგების წესი?

კრიპტოვალუტის ბაზარი ყოველთვის ხასიათდებოდა აღმავლობისა და დაღმავლობის ველური რყევებით. თუმცა, ბაზარზე კრიპტოვალუტის მაჩვენებლების ამჟამინდელი ვარდნა, რომელიც 2021 წლის ნოემბერში დაიწყო , კრიპტოვალუტის ბაზრის მაჩვენებლების ყველაზე დიდი ვარდნაა– სადაც ზარალის მთლიანი ღირებულება - 1.8 ტრილიონ დოლარს შეადგენს და ეს რიცხვი კვლევაც იზრდება.

წარსულს ჩაბარდა ის დღეები, როდესაც შეგეძლოთ უბრალოდ მოკალათებულიყავით და დაყრდნობოდით თქვენს ბიტკოინ ინვესტიციას, რომელიც დროთა განმავლობაში იზრდებოდა. ამ გარემოში, ინვესტორებმა ყურადღებით უნდა შეისწავლონ თავიანთი კრიპტოვალუტის აქტივების ოპტიმიზაცია ყველა შესაძლო გზის გამოყენებით, მათ შორის კრიპტოვალუტის საგადასახადო ზარალის შესამცირებლად მოსავლის აღების სტრატეგიები, რათა შეამცირონ საგადასახადო ვალდებულებები.

კრიპტოვალუტის საგადასახადო ზარალის შესამცირებლად მოსავლის აღების სტრატეგიის გამოყენებისას, უნდა იცოდეთ უკუგარიგების წესი, რომელიც აქტიურად დანერგილია აშშ-ის საგადასახადო სამსახურის (IRS) და სხვა საგადასახადო ორგანოების მიერ. უკუგარიგების წესი არსებობს იმისთვის, რომ ადამიანებს აეკრძალოთ კრიპტოვალუტის საგადასახადო ზარალის შესამცირებლად მოსავლის აღების სტრატეგიის ბოროტად გამოყენება. ამ წესის დარღვევამ უამრავ ინვესტორს მნიშვნელოვანი ზარალი მიაყენა. კრიპტოვალუტის უკუგარიგების წესის პოტენციური დანერგვა ახლა კრიპტოვალუტის ინვესტიციებს ისე დაჰყურებს, როგორც „დამოკლეს ხმალი“. ამ სტატიაში ჩვენ განვიხილავთ ამ მნიშვნელოვან წესს და გაჩვენებთ, თუ როგორ აიცილოთ თავიდან მისი დარღვევა.

IRS-ის უკუგარიგების წესი აშშ-ში

აშშ-ში IRS-ის უკუგარიგების წესი დეტალურად განსაზღვრავს კონკრეტულ ვადას და ქმედებას, როდესაც კანონით აკრძალულია კრიპტოვალუტის საგადასახადო ზარალის შესამცირებლად მოსავლის აღების მეთოდის გამოყენება კაპიტალური მოგების კაპიტალური ზარალით კომპენსირების მიზნით.

აშშ-ის უკუგარიგების წესი მოქმედებს მაშინ, როდესაც აქტივი, რომელიც არსებითად იდენტურია პირველისა, ზარალით გაიყიდა 30 დღის განმავლობაში უკან გამოსყიდვამდე. თუ ინვესტორი 30 დღის განმავლობაში შეიძენს არსებითად იდენტურ აქციას ან ობლიგაციას, მას არ შეუძლია ისარგებლოს კაპიტალის მოგებით კაპიტალის ზარალთან დაბალანსებით.

დავუშვათ, თქვენ 2022 წლის 15 მაისს გაყიდეთ Microsoft-ის 100 აქცია თითო აქციაზე $20-იანი ზარალით, ანუ კაპიტალის ზარალი ჯამში $2000 იყო. უკუგარიგების წესის თანახმად, თქვენ ვერ შეძლებთ $2000 ოდენობის გადასახადის გამოქვითვას, თუ ასევე შეიძინეთ Microsoft-ის მინიმუმ 100 აქცია 2022 წლის 15 აპრილიდან 15 ივნისამდე პერიოდში.

თუ ამ დროის განმავლობაში შემთხვევით შეიძინეთ Microsoft-ის აქციების უფრო მცირე რაოდენობა — მაგალითად, 70 აქცია — შეგიძლიათ მოითხოვოთ საგადასახადო ზარალი მხოლოდ 30 აქციაზე ($600), რაც წარმოადგენს სხვაობას თქვენს მიერ საზარალო გაყიდვას (100 აქცია) და მასთან დაკავშირებულ შენაძენს (70 აქცია) შორის, რომელიც განხორციელდა გაყიდვამდე ან მის შემდეგ 30 დღის განმავლობაში.

შეიძლება თუ არა კრიპტო უკუგარიგების წესის გამოყენება აშშ-ში?

თუმცა, გაითვალისწინეთ, რომ IRS-ის მიერ დადგენილი უკუგარიგების წესი ამჟამად მხოლოდ ფასიან ქაღალდებზე ვრცელდება, რაც მოიცავს ობლიგაციებს, აქციებს და მსგავს ფინანსურ ინსტრუმენტებს. კრიპტოვალუტები IRS-ის მიერ ფასიან ქაღალდებად არ კლასიფიცირდება, რაც იმას ნიშნავს, რომ ეს წესი კრიპტოვალუტაზე არ ვრცელდება.

თუმცა, აშშ-ის მთავრობამ გააძლიერა ძალისხმევა კრიპტო უკუგარიგების წესის დანერგვის მიზნით. 2021 წლის ბოლოს ბაიდენის ადმინისტრაციის მიერ შემოთავაზებული იყო საკანონმდებლო კანონპროექტი, სახელწოდებით „უკეთესი მშენებლობის აქტი“. კანონპროექტში შემოთავაზებული მრავალი დებულებიდან ერთ-ერთი კრიპტოვალუტის უკუგარიგების წესის შემოღებას ითვალისწინებდა. წარმომადგენელთა პალატაში მიღებული კანონპროექტის მიუხედავად, სენატში ის ჩავარდა.

თუმცა, მთავრობა აგრძელებს ძალისხმევას, რათა მოიპოვოს სენატის ხმათა უმრავლესობა, კანონპროექტის თუნდაც გარკვეული ნაწილების მისაღებად. ეს იძლევა კრიპტოვალუტის უკუგარიგების წესის პრაქტიკულად ნებისმიერ დროს დანერგვის შესაძლებლობას.

როგორ ავიცილოთ თავიდან უკურიგების წესის დარღვევები

არსებობს სამი ძირითადი გზა იმის უზრუნველსაყოფად, რომ არ მოხდეს კრიპტოვალუტის სამომავლო უკუგარიგების წესის დარღვევა და ამავდროულად წარმატებით მოითხოვოთ თქვენი საგადასახადო ზარალის ანაზღაურება.

1. უბრალოდ დაიცავით 30-დღიანი „ადრე და შემდეგ“ დროის ფანჯარა

ეს არის პირველი და უმარტივესი წესი. IRS-ის უკუგარიგების წესი არ ითვალისწინებს დაფარვის მკაცრ პერიოდს. გაყიდვამდე და გაყიდვის შემდეგ 30-დღიანი მოკრძალებული ვადის დაცვა თქვენი საგადასახადო ზარალის ანაზღაურების მოთხოვნის ყველაზე უსაფრთხო გზაა. წინასწარ მოიფიქრეთ თქვენი მოქმედების გეგმა და შეიძინეთ თქვენი სამიზნე აქტივი საზარალო გაყიდვამდე 31–40 დღით ადრე ან მის შემდეგ.

ბუნებრივია, ამ მეთოდის გამოყენება ბაზრის გარკვეულ არასტაბილურობას იწვევს. თუმცა, თქვენი სამიზნე აქტივის ფასის ცვლილებები შესაძლოა უფრო თქვენს სასარგებლოდ და არა თქვენს წინააღმდეგ წარიმართოს, განსაკუთრებით საბაზისო დაგეგმვისა და ბაზრის ანალიზის შემთხვევაში.

მაგალითად, თუ თქვენი სამიზნე აქტივი გრძელვადიან დაღმავალ ტრენდშია, შესყიდვა განახორციელეთ საზარალო გაყიდვიდან 31+ დღის შემდეგ. და პირიქით, თუ აქტივი აღმავალი ტრენდით ხასიათდება და ფართოდ არის მოსალოდნელი, რომ ის ამ პეტერნს გააგრძელებს, შეიძინეთ იგი საზარალო გაყიდვამდე 31+ დღით ადრე .

და ბოლოს, თუ აქტივის ფასი სტაბილურია — და არაა მნიშვნელოვან აღმავალ ან დაღმავალ ტრენდში — მაშინ, სავარაუდოდ, 30-დღიანი დროის ფანჯრის დაცვით დიდად არ წააგებთ (ან მოიგებთ).

2. გაყიდეთ თქვენი აქტივი და შეიძინეთ ფონდზე დაფუძნებული პროდუქტი, რომელიც ფონდის მნიშვნელოვან ზეგავლებნას განიცდის

IRS-ის უკუგარიგების წესის მიხედვით, საგადასახადო ზარალის ანაზღაურების მოთხოვნა დაუშვებელია, როდესაც შეძენილი და გაყიდული პროდუქტი იდენტურია ან არსებითად იდენტურია. სამწუხაროდ, არ არსებობს მკაფიო, რიცხვებზე დაფუძნებული სპეციფიკაცია იმის შესახებ, თუ რას წარმოადგენს არსებითად იდენტური პროდუქტი. ინვესტორები დიდწილად ეყრდნობიან IRS-ის მიერ ამ წესის ისტორიულ გამოყენებას იმის შესაფასებლად, უსაფრთხოა თუ არა მათი საგადასახადო ზარალის ანაზღაურების მოთხოვნები.

ზოგადად, IRS კმაყოფილია იმით, რომ ინვესტორები ყიდიან აქციებს და ყიდულობენ კომპოზიტურ ფონდზე დაფუძნებულ პროდუქტს, რომელიც ამ აქციების მნიშვნელოვან ზეგავლენას განიცდის. ამგვარად, თქვენ შეგიძლიათ შეიძინოთ ერთობლივი ფონდი, ინდექსური ფონდი ან ETF პროდუქტი, რომლის დიდი წილიც თქვენს აქტივზეა გამოყოფილი.

მიუხედავად იმისა, რომ კრიპტოვალუტის უკუგარიგების წესი ჯერ არ გამოიყენება, წესის სავარაუდო შემოღების დაგეგმვისას სასარგებლოა ფონდებზე დაფუძნებული კრიპტო პროდუქტების განხილვა. მაგალითად, ისეთ პროდუქტებს, როგორიცაა Bitwise 10 Crypto Index Fund და Galaxy Crypto Index Fund, კომპოზიტურ ინდექსებში ბიტკოინისთვის მნიშვნელოვანი წილი აქვთ გამოყოფილი. ამ პროდუქტების გამოყენების შესაძლებლობის განხილვა შეიძლება, თუ თქვენი საზარალო გაყიდვა BTC-სმოიცავს.

3. გაყიდეთ თქვენი აქტივი და შეიძინეთ სხვა, რომელსაც მასთან ძალიან მაღალი კორელაცია აქვს

ორი აქტივი, რომლებსაც ტრადიციულად მაღალი კორელაცია აქვთ, ასევე შეიძლება გამოყენებულ იქნას მომავალში კრიპტოვალუტის გაყიდვის წესის დარღვევის თავიდან აცილების მიზნით. ორ აქტივს შორის კორელაციის მაღალი დონე მიუთითებს, რომ მათი ფასები ერთი და იგივე მიმართულებით და ბაზარზე ცვლილების დაახლოებით მსგავსი მასშტაბებით მოძრაობს. კორელაციები გამოიხატებაკორელაციის კოეფიციენტისგამოყენებით, რომლის მნიშვნელობა −1,0-დან 1,0-მდე დიაპაზონშია.

ჩვეულებრივ, 0,9-დან 1,0-მდე კორელაციის კოეფიციენტი მიუთითებს ორი აქტივის ფასებს შორის ძალიან ძლიერ კავშირზე. აქტივის საზარალო გაყიდვისას, შეგიძლიათ წინასწარ ან შემდგომ შეიძინოთ სხვა აქტივი ან პროდუქტი, რომელსაც მასთან ერთად აქვს 0,9 (ან მეტი) კორელაცია.

კრიპტო უკუგარიგების წესები სხვა ქვეყნებში

კანადა

კანადაში შემოსავლების სააგენტომ დანერგა ზედაპირული ზარალის წესი, რათა დარწმუნდეს, რომ უკუგარიგებები რეგულარულად არ ხდებოდეს. ამ წესის თანახმად, ინვესტორებს არ შეუძლიათ კაპიტალური ზარალის ანაზღაურების მოთხოვნა, თუ ისინი აქტივს 30-დღიან ფანჯარაში გაყიდიან და უკან გამოისყიდიან.

დიდი ბრიტანეთი

დიდ ბრიტანეთში, HM Revenue & Customs (HMRC) სამსახურმა შექმნა სპეციფიკური მოთხოვნები, რომლებიც გამოიყენება საბაზისო ღირებულების გამოსათვლელად, რაც აშშ-ში არსებული უკუგარიგების წესის მსგავსია. დიდ ბრიტანეთში, კრიპტოვალუტის საგადასახადო ზარალის შესამცირებლად მოსავლის აღების სტრატეგიის მიმართ ძირითადად გამოიყენება საბაზისო ღირებულების ტექნიკა, რომელიც ცნობილია როგორც აქციების გაერთიანება .

ამ მეთოდით, მსგავსი აქტივები გაერთიანებულია საშუალო ღირებულების ბაზისის შესაქმნელად, რაც იწვევს კრიპტოვალუტების, როგორიცაა BTC, ETH და ა.შ., პორტფელის შექმნას. შემდეგ გამოითვლება თითოეული პორტფელის საშუალო ღირებულების ბაზისი, რათა დადგინდეს თქვენი კრიპტო ინვესტიციებიდან მიღებული საბოლოო მოგება და ზარალი. მიუხედავად ამისა, ეს ხარჯებზე დაფუძნებული ტექნიკა აადვილებს ცრუ ზარალის ბოროტად გამოყენებას კრიპტოვალუტით ვაჭრობისგზით.

HMRC-მ შექმნა ორი წესი, რომლებიც მიზნად ისახავს ხელოვნური ზარალის თავიდან აცილებას. ეს წესები ცნობილია, როგორც „საწოლი და საუზმის წესი“ და „იმავე დღის წესი“.

„საწოლი და საუზმის წესის“ თანახმად, თქვენ არ შეგიძლიათ ისარგებლოთ კაპიტალური ზარალით თუ იგივე კრიპტოვალუტას შეიძენთ წინა აქტივების გაყიდვიდან 30 დღის განმავლობაში. „იმავე დღის წესი“ მსგავსია, მაგრამ გულისხმობს ერთი და იგივე კრიპტოვალუტის გაყიდვას და ყიდვას 24 საათის განმავლობაში. აშშ-ის უკუგარიგების წესებისგან განსხვავებით, ეს მითითებები ვრცელდება როგორც კრიპტოვალუტებზე, ასევე ტიპის აქტივებზე.

ავსტრალია

ავსტრალიის უკუგარიგების წესის თანახმად, თქვენ არ შეგიძლიათ აქტივის გაყიდვა ზარალისთვის და ამის შემდეგ იგივე აქტივის შეძენა საგადასახადო შეღავათების მისაღებად. ამ წესთან დაკავშირებული კონკრეტული დროის ვადა არ არსებობს. უმეტეს შემთხვევაში, ინვესტორის განზრახვა განსაზღვრავს, შეძლებს თუ არა ის კაპიტალური ზარალის რეალიზებას.

შედეგი

ვინაიდან ძალზე სავარაუდოა, რომ კრიპტოვალუტის უკუგარიგების წესი მომავალში შემოღებული იქნება, ინვესტორებისთვის აუცილებელი იქნება, რომ ამ სფეროში უახლესი მოვლენების შესახებ ინფორმირებულები იყვნენ. ეს ეხება კრიპტოს ინვესტორებს როგორც აშშ-ში, ასევე ბევრ სხვა იურისდიქციაში, რადგან მსოფლიოს მასშტაბით მთავრობები კრიპტოვალუტაზე მუდმივად მზარდ მარეგულირებელ ზეწოლას ახდენენ.

თუ, ან უფრო სწორედ, როცა თქვენი ეროვნული მთავრობა კრიპტოვალუტასთან დაკავშირებით უკუგარიგების წესს შემოიღებს, თქვენ შეგიძლიათ გამოიყენოთ ზემოთ აღწერილი სამი ძირითადი მეთოდიდან ერთ-ერთი, რათა უსაფრთხოდ შეამციროთ თქვენი გადასახადები.