რა არის სპოტ ვაჭრობის სათავგადასავლო ზონა?

სათავგადასავლო ზონა მომხმარებლებს შესაძლებლობას აძლევს ადრეულ ეტაპზე მიიღონ მონაწილეობა იმ პროექტებში, რომლებიც გვთავაზობენ არსებითად მაღალი შემოსავლის პოტენციალს, თუმცა შედარებით მაღალ რისკს. სათავგადასავლო ზონაში ჩამოთვლილი სავაჭრო წყვილები ექვემდებარება შემდეგ წესებს:

 

• რისკების კონტროლისა და ინვესტორების დასაცავად Bybit Georgia ადგენს მაქსიმალურ საინვესტიციო ლიმიტს ტოკენზე. ამჟამად, მაქსიმალური თანხა თითო მონეტაში, რომელიც მომხმარებლებს შეუძლიათ შეინახონ, შეადგენს 300,000 USDT-ს ექვივალენტს. სამომავლოდ თითოეულ პროექტზე შესაძლოა მოქმედებდეს სხვადასხვა ლიმიტი მისი რისკის დონის მიხედვით.

• იმ სავაჭრო წყვილებზე, რომლებიც განთავსებულია სათავგადასავლო ზონაში, ვრცელდება სპეციალური სავაჭრო საკომისიო.

• სათავგადასავლო ზონაში არ გამოიყენება ფასდაკლებული სავაჭრო საკომისიოები, მათ შორის საკომისიოს დამზოგავები, საკომისიო ფასდაკლების ვაუჩერები ან რეგისტრირებული პარტნიორებისგან მიღებული ფასდაკლებები.

რა საკომისიოები ვრცელდება სათავგადასავლო ზონაში?

სათავგადასავლო ზონის ფარგლებში პროექტების სარისკო ბუნების გათვალისწინებით, სავაჭრო საკომისიო იქნება შედარებით მაღალი. ქვემოთ მოცემულია სათავგადასავლო ზონის სავაჭრო საკომისიოები, რომლებიც შეესაბამება თითოეულ VIP დონეს:

 

რა რისკები უკავშირდება სათავგადასავლო ზონის სავაჭრო წყვილებს?

მიუხედავად იმისა, რომ სათავგადასავლო ზონა გთავაზობთ პროექტებს მაღალი შემოსავლის მომხიბვლელი პოტენციალით და ადრეული ვაჭრობის შესაძლებლობებით, გადამწყვეტი მნიშვნელობა აქვს გაზრდილი რისკების შეფასებას, მათ შორის:

 

1. ბაზრის მწვავე რყევები: ფასებმა შესაძლოა მოკლე პერიოდში განიცადოს მკვეთრი მოძრაობები.

2. ღირებულების სრული დაკარგვა: სავაჭრო წყვილები შეიძლება მთლიანად გაუფასურდეს, რაც გამოიწვევს ინვესტიციის დაკარგვას.

3. ბაზრის ლიკვიდურობის საკითხი: ზოგიერთ პროექტს შესაძლოა ჰქონდეს არაადეკვატური ლიკვიდურობა, რაც რთულ ან შრომატევადს ხდის ყიდვა-გაყიდვის ორდერების შესრულებას.

4. დელისტინგის რისკი: Bybit Georgia იტოვებს უფლებას მიმართოს სათავგადასავლო ზონაში განთავსებული პროექტების დელისტინგს იმ შემთხვევაში, თუ ისინი ზედმეტ რისკს უქმნიან ტრეიდერებს. თქვენი სავაჭრო შესაძლებლობები შეიძლება შეიზღუდოს პროექტის დელისტინგის შემდეგ.

 

გთხოვთ გაითვალისწინოთ, რომ Bybit Georgia არ იღებს პასუხისმგებლობას სათავგადასავლო ზონაში ტრანზაქციის შედეგად წარმოქმნილ ზარალზე. გირჩევთ, საფუძვლიანად შეაფასოთ პროექტის ყველა დეტალი და რისკი და მიიღოთ საინვესტიციო გადაწყვეტილებები, რომლებიც შეესაბამება თქვენს ფინანსურ შესაძლებლობებსა და ტოლერანტობას რისკისადმი. 

როგორ მივიღო წვდომა სათავგადასავლო ზონის სავაჭრო წყვილებზე?

სათავგადასავლო ზონასა და მის სავაჭრო წყვილებზე წვდომისთვის დააწკაპუნეთ ვაჭრობა → სპოტ ვაჭრობა და ჩამოსაშლელ მენიუში აირჩიეთ სათავგადასავლო ზონა.

 

 

 

ალტერნატიულად, ჩაწერეთ თქვენთვის სასურველი სავაჭრო წყვილი საძიებო ზოლში და გახსენით მისი სავაჭრო გვერდი. თუ სავაჭრო წყვილი ეკუთვნის სათავგადასავლო ზონას, “სათავგადასავლო ზონა” გამოჩნდება სავაჭრო წყვილის სახელის მარჯვენა მხარეს.

 

 

გთხოვთ გაითვალისწინოთ, რომ სათავგადასავლო ზონაში ვაჭრობის დაწყებამდე საჭიროა ყურადღებით წაიკითხოთ და დაეთანხმოთ რისკის ხელშეკრულებას.

 

სად შემიძლია გავეცნო სათავგადასავლო ზონის სავაჭრო წყვილების ორდერის განთავსების ლიმიტებს?

სათავგადასავლო ზონის თითოეულ სავაჭრო წყვილზე გავრცელებული ორდერების ლიმიტის სანახავად, გთხოვთ, გაეცნოთ სპოტ ვაჭრობის წესებს. 

სად შემიძლია გავეცნო სათავგადასავლო ზონაში ჩამოთვლილი ტოკენების იმ მაქსიმალურ რაოდენობას, რომელიც შემიძლია შევინახო?

ამ ინფორმაციას შეგიძლიათ გაეცნოთ სავაჭრო გვერდის ხელმისაწვდომი კვოტების განყოფილებაში. მაგალითად, თუ ABC მონეტისთვის ხელმისაწვდომი კვოტა არის 300,000 USDT და ABC მონეტის ფასი არის 0,5 USDT, ABC მონეტის მაქსიმალური რაოდენობა, რომელიც შეგიძლიათ შეინახოთ ანგარიშზე, შეადგენს 600,000 მონეტას (გამოითვლება როგორც 300,000 USDT ÷ 0.5 USDT = 600,000 მონეტა).